آلو..!! ياريس ممكن تسمعني .. وكمان اللجان الشعبية

بسم الله الرحمن الرحيم

آلو..!!

٦/ ٢/ ٢٠١١

أدى الخطاب العاطفى الأخير الذى ألقاه الرئيس مبارك إلى انقسام الآراء فيما يتعلق برغبته فى الاستمرار حتى نهاية رئاسته الحالية.. البعض وافق على رغبته، والبعض طالب برحيله الفورى!! ولقد عجبت لتداول الإعلام الرسمى عبارات مثل مبارك الأب.. مبارك الجد!!.. لقد كتبت هنا وهناك عبر سنوات للرئيس مبارك منبهاً ومحذراً، وكلماتى المنشورة خير شاهد لى، متمنياً أن يضعها الله سبحانه فى ميزان حسناتى عند الحساب!!

ولكنى أود أن أوضح أن مبارك هو الأب لابنيه علاء وجمال «فقط»!! فإذا اعتبره البعض مجازاً أباً لكل شباب مصر، فالتساؤل: هل يترك الأب أبناء له مسجونين لسنوات طويلة بدون محاكمة بموجب قانون الطوارئ، والذى لم يعلن بعد عن نية إلغائه خلال الفترة القصيرة المقبلة؟!

هل يفرق الأب فى المعاملة بين أبنائه، فيجعل بعضهم يقاسى وييأس من حياته، وآخرين يعيشون فى رغد؟.. هل ينعزل الأب بعيداً لا يناقش أبناءه ويسمع منهم؟.. هل يهمل الأب تربية وتعليم أبناءه ولا يعبأ إذا تغيرت قيمهم وأخلاقهم للأسوأ؟.. ألا يجب أن ينفطر قلبه على هؤلاء الأطفال الذين يموتون لعدم القدرة على العلاج؟ أو أخيراً برصاصات الغدر؟.. إن سوء المعاملة يؤدى لجحود الأبناء!!

حاتم فودة

اللجان الشعبية

٦/ ٢/ ٢٠١١

تسلم إيدك يا ابن بلدى.. ع اللجان الشعبية.. دافعت عن بيتى وولدى.. لما انسحبت الداخلية.. ودافعت عن أرضك وأرضى.. وحميت مصر البهية.. دى الأرض عرضك وعرضى.. لازم نحميها من الحرامية.. تسلم إيدك كمان ع الرجولة.. النهارده معدنك بان من تصرفاتك المسؤولة.. وأنت وابن الجيران.. عملتوا دروع.. وكمين للجبان.. وقلت للبلطجة ممنوع.. ونظفت الشوارع.. ونظمت المرور.. وبشكل بارع.. أديت أحلى دور.. وعيونك طول الليل كانت ساهرة.. ودورك كان جميل فى أحياء القاهرة.. وبسرعة كنت تجرى على صوت المستغيث.. بالليل والصبح بدرى فى الإسماعيلية والسويس.. تسلم إيدك يا ابن بلدى.. ع اللجان الشعبية.. دافعت عن كل أرضى.. من أسوان لإسكندرية.. مصر من قلبها بتبعتلك تحية.. دافعت عنها وشيلت المسؤولية.

رامى محمد زين

اللجان طلعت الجان وخلت الفيران تستخبا ورا البيبان الحمد لله قدرنا نقف فى وش البلطجية و المجرمين اللى خرجهم علينا المش حبيب الغير عادل وفضلنا واقفين فى الشوارع وعملنا المتاريس ولجان فحص للتراخيص وقدرنا نقبض على بلطجية وهاربانين و الباقى خلصوا عليهم رجالة الجيش ربنا يحميهم اميركا واوروبا مش عارفين يعملو معانا ايه حبو يقلبوها فوضى وقفنا فى وش الاجرام ودلوقتى بيدرسوا ازاى الشعب اللى افتكروه مغيب صحى......وعمل لجان قبضت على حرامية وجواسيس الشعب المصرى والذى افتخر بانتمائى له سيبقى واحدا متفردا صامدا ابدا

ياسيدى هذا دورنا فمصر وطننا وحياتنا فداه ووقت الشده يظهر الرجال تحيه من مصرى الى كل مصرى ومعا لرفع شعار مصرى وافتخر

اعتقد انها ضرورة فرضتها علينا الظروف ولم يكن هناك بديل عنها . ولكنى استغرب لماذا الشكر للجان الشعبية وتكبير الموضوع بهذا الشكل . يناس بلاش نتكلم وبس اظن اننا كلنا متفقين اننا الان نعيش فى مصر الحديثة واللجان الشعبية هى عبارة عنى وعن جارى وجيراننا فى العمارة المجاورة والمجاورة لها حتى نهاية الشارع ونزل اتجمعنا كلنا عشان نحمى سياراتنا وان مفيش حد يدخل عمائرنا . انما هل فكر واحد من اللجان الشعبية مثلا انه يروح شارع رئيسى يقف فيه يحمى شئ . يناس اللجان هى حماية الشعب لنفسه فى وقت لا امن فيه فبلاش نكبر الموضوع. وبعدين انا شفت ناس معاهم سلاح الى لايرخص بحمله لاحد يعنى بالعربى سلاح من بتوع الشرطة تعرفوا بقا تقولولى الناس دى هترجع السلاح دا ولا لأ والناس اللى اتعودوا على حمل السكاكين وهما نازلين الشارع ياترا هينسوا بقا الموضوع دا ولا هيسوقوا فيها . اللجان الشعبية هى حماية الفرد لنفسه وهذه الحماية تختلف كلى وجزئى عن دور الامن . عشان كدا يلا بقا نعيش سوا فى مصر الحديثة وبلاش نطبل تانى ع الفاضى والمليان او نعمل زى اللى بيطبل فى المطبل

منقول من جريدة المصري اليوم
مصر بعد ثورة التحرير 25 يناير 2011